Vizitë Universitetit Shtetëror të Tetovës

Universitetin Shtetëror të Tetovës e vizituan një grup prej 10 studentësh nga vende të ndryshme si Franca, Austria, Gjermania,Amerika e Sllovakia, të udhëhequr nga përfaqësuesi i Akademisë Diplomatike të Vjenës, prof. Michel Cullin. Qëllimi i vizitës ishte shkëmbimi i përvojave të studimeve. Studentët u interesuan për përvojat e studimeve në USHT, sistemin e studimeve, planprogramet etj.

Ata u pritën nga Rektori i USHT-së, prof. dr. Sadi Bexheti, shefi i zyrës për marrëdhënie ndërkombëtare, doc. Senad Abduli dhe një grup studentësh nga Fakulteti Filologjik i USHT-së të cilët edhe informuan për nga afër mbi kapacitetet dhe mundësitë që ofron Universiteti Shtetëror i Tetovës.
U diskutua edhe mbi mundësitë e bashkëpunimit dhe mundësimin e vizitave të ngjashme nga studentët e USHT-së në Universitetet evropiane të cilët ata përfaqësonin.

Grupi i studentëve do të qëndroj disa ditë në Tetovë për të vazhduar në Prishtinë si pjesë e ekspeditës disa ditore.

Zyra për informim