State University

- Shqip
- Makedonski
- English

Universiteti Shtetëror i Tetovës:

Universiteti Shtetëror i Tetovës

rruga e Ilindenit pn, 1200 Tetovë, Republika e Maqedonisë
Tel: +389 44 356 500
Fax: +389 44 334 222

e-mail:international@unite.edu.mk

14-19 maj 2008 - Ekipi i USHT-së zë vendin e parë në SPORTFEST 2008, Turqi

Nga data 14 deri më 19 maj, nën organizimin e Universitetit Bogaziçi u mbajt “Sportfest 2008” një garë ndërkombëtare në më shumë sporte, e 28-ta me radhë e organizuar.
Ishin pikërisht studentët e USHT-së, ata që përfaqësuan Maqedoninë në këto gara sportive edhe atë në futboll të madh, në kategorinë e meshkujve, volejboll, në të dy kategoritë, atë të meshkujve dhe të femrave.

Volejbollistë e USHT-së, Habil Ajeti, Naim Abazi, Flaurent Islami dhe Besim Rexha arritën të zënë vendin e parë pas 5 ndeshjeve të fituara radhazi. Ata në finale mundën ekipin zviceran të St.Gallenit.
Edhe ekipi i femrave në volejboll i përbërë nga Teuta Rexha, Arta Huseini, Ivana Zafirovska dhe Marjana Jovanovska arritën në piedestal duke zënë vendin e dytë. Edhe ekipi i futbollit arriti rezultate të lakmueshme, duke u pozicionuar si i 4-ti në konkurrencë prej më shumë se 15 ekipe.

Udhëheqës të trupës sportive nga Universiteti Shtetëror i Tetovës ishin profesorët Fadil Mahmuti dhe Miftar Zyberi. Ata u shprehën shumë të kënaqshëm nga rezultatet e arritura në këtë garë ndërkombëtare ku USHT-ja arriti që në 3 sporte konkurruese të zë vendin e parë (volejboll meshkuj), të dytin (volejboll femra) dhe të katërtin (futboll meshkuj). “Është një e arritur e madhe për Universitetin dhe sportin në përgjithësi, që nga ky evinement i rëndësishëm ndërkombëtar të kthehemi me më shumë medalje” u shpreh prof. Mahmuti.

Prof. Miftar Zyberi potencoi edhe përkrahjen e rektoratit të USHT-së, e cila gjatë tërë periudhës nuk ka munguar dhe që frytet e ndihmesës së tillë shihen që tani, përmes përfaqësimit të denjë të Universitetit në gara ndërkombëtare.

WEB MAIL Sign in apo Regjistrohu