Aksion për dhurim gjaku në USHT

21 maj 2008 - Universiteti Shtetëror i Tetovës i është përgjigjur pozitivisht kërkesës së Kryqit të Kuq për organizimin e dhurimit të gjakut në objektet e Universitetit. Një numër i konsiderueshëm i stafit akademik dhe administrativ si dhe studentë kanë shprehur gatishmëri për dhurim gjaku.

Organizatori dr. Irfan Baftjari u shpreh se vlerëson shumë bashkëpunimin me Universitetin Shtetëror të Tetovës që sigurojnë hapësira dhe informojnë me kohë studentët e stafin për një organizim të tillë.
Aksioni i dhurimit të gjakut do të vazhdoj edhe ditët në vijim, në ambientet e Fakultetit të Shkencave Matematiko-Natyrore (22 maj 2008) dhe në Fakultetin e Arteve (23 maj 2008).

“Është për t’u vlerësuar kjo iniciativë dhe ndjej një obligim moral dhe human që sadopak t’i kontribuoj shoqërisë e sidomos atyre që kanë nevojë për gjak. Do ndjehem  i qetë shpirtërisht kur do të dëgjoj që është shpëtuar të paktën një jetë si rezultat i gjakut të dhuruar”- u shpreh Naser Nebiu, një nga dhuruesit e gjakut.