USHT dhe Kryqi i Kuq organizuan aksion për dhurim gjaku

Universiteti Shtetëror i Tetovës sërish  i është përgjigjur pozitivisht kërkesës së Kryqit të Kuq për organizimin e dhurimit të gjakut në objektet e Universitetit. Një numër i konsiderueshëm i stafit akademik dhe administrativ si dhe studentë kanë shprehur gatishmëri për dhurim gjaku, në objektin e Rektoratit të USHT-së. Aksioni për dhurimin e gjakut u organizua nga Kryqi i Kuq dhe Zyra për informim e Universitetit Shtetëror të Tetovës.

Nga Kryqi i Kuq vlerësuan lartë bashkëpunimin me Universitetin Shtetëror të Tetovës në drejtim të organizimit të aksionit, sigurimit të hapësirave dhe informimit me kohë të studentëve e stafit për një organizim të tillë.

Aksioni i dhurimit të gjakut fillimisht u organizua në hapësirat e Fakultetit të arteve në Reçicë, më 20 maj 2009 për të vazhduar me fakultetet tjera të USHT-së. Nga Kryqi i Kuq dhe Zyra për informim e USHT-së shprehim falënderime dhe respekt të lartë për të gjithë dhuruesit e gjakut.