BEXHETI: JAM REKTOR NË SHËRBIM TË STUDENTËVE

 

Rektori i Universitetit Shteteror te Tetoves, prof. dr. Sadi Bexheti, ne vazhden e takimeve, te marten eshte takuar me studentet e Fakultetit Juridik. Qellimi kryesor i takimit ka qene rritja e cilesise mesimore ne kete fakultet. Bexheti, tha se provimet ne kete fakultet mbahen me komisione qe te evitohen keqperdorimet e mundshme.
Ka ardhur, tha ai koha qe te vecohen studentet e dalluar.
Ne kete takim rektori Bexheti ka shprehur gatishmerine qe te bisedoje me studentet per cdo problem me qellim qe te gjenden zgjidhje te deshirueshme per ta.
Bexheti ka shprehur keqardhje per incidentin qe ndodhi ne Akademine solemne te pervjetorit te themelimit te USHT-se.
Akademia solemne eshte keqperdorur per qellime partiake, tha Bexheti, i cili i siguroi studentet, se gjithnje do te jete transparente dhe i gatshem per te biseduar me ta per problemet ekzistuese ne USHT. Bisedimet, sipas Rektorit, jane rruga e vetme per te shmangur  keqkuptimet e mundshme. Ai, tha se ka trasheguar probleme te shumta, por premtoi dhe i siguroi studentet se do t’i zgjidh nje nga nje.
Ka ardhur koha qe ne kete universitet te rritet cilesia mesimore, te zbatohet Karta e Bolonjes, te vijne mesimdhenes te zote. Ky eshte qellimi im, tha ai, duke shtuar se gjithnje do te perkrah iniciativat studentore.
Une jam rektor ne sherbim te studenteve, tha prof.dr. Sadi Bexheti.
Studentet kane kerkuar, kurse rektori eshte pajtuar, qe te behen zgjedhje te lira dhe demokratike per Unionin e Studenteve.
Ne takimin e rektorit me studentet e Fakultetit Juridik morren pjese edhe dekani i Fakultetit Juridik Mersim Maksuti, prorektori Agim Shabani, sekretari i USHT-se, Ali Salihi, dhe perfaqesuesit e unioneve studentore.