Në seminarin ndërkombëtar të universiteteve evropiane në Bruksel

MERR PJESE REKTORI PROF. DR. SADI BEXHETI

Rektori i Universitetit Shteteror te Tetoves, prof. dr. Sadi Bexheti, ne fillim te shkurtit te ketij viti do te udhetoje per ne Bruksel, ku do te marre pjese ne nje seminar nderkombetar te universiteteve evropiane. Ne seminarin qe do te mbahet me 1 e 2 shkurt te vitit 2007, do te marrin pjese 350 pjesemarres nga ministrite arsimore dhe universitetet evropiane, te vendeve te ndryshme si Belgjike, Holande, France, Gjermani, Angli, Spanje, Finlande, Danimarke, Zvicer, Austri, Lituani, Greqi etj., ndersa rektori i USHT-se do ta perfaqesoje Maqedonine ne kete takim te nivelit evropian.

            Ne kete seminar nderkombetar te universiteteve evropiane pritet te ligjerojne emra te njohur te jetes politike dhe arsimore evropiane ne fusha te ndryshme, si zhvillimet e fundit ne arsimin siperor, reformat e arsimit te larte ne Evrope, perspektivat e reja ne bashkepunimin transatlantik, rregulloret dhe programet evropiane ne arsimin e larte etj.

            Pjesemarresit ne kete takim nderkombetar do t’i prese Bernad Vachter, drejtor i ACA-s, ndersa nder temat qe do te ligjerohen do te jene edhe “Lisboni dhe Bolonja jo larg prej 2010”, “Si ta mesosh nje njeri me pervoje te gjate, strategji te reja”, “Mesimet nga Tajlanda dhe India”, “Dimensionet e jashtme te procesit te Bolonjes” e te tjera.