USUSHT bashkëpunim me US të Sllovenisë

 

Nje delegacion kater anetaresh i Unionit te Studenteve te Universitetit Shteteror te Tetoves (USUSHT), u kthye te marten nga Sllovenia pas nje vizite kater ditore qe u realizua me ftese te Unionit te Studenteve te Universitetit te Lubjanes. Delegacioni perbehej nga Kushtrim Ahmeti, kryetar, Zulqufli Zenuni, nenkryetar, Korab Mushkolaj sekretar dhe Sadik Jashari, anetar i Kryesise.

Sic informoi kryetari, Kushtrim Ahmeti, gjate qendrimit disa ditesh ne Slloveni jane realizuar disa takime te rendesishme, per te cilat eshte arritur edhe marreveshje bashkepunimi. “Sllovenia eshte vend i BE-se dhe nje bashkepunim i tille do te ishte nje lehtesim per studentet tane”, u shpreh Ahmeti.

Projekti “Libri i zi per vizat”, qe planifikohet te realizohet nga Unioni i Studenteve te Sllovenise, do t’i permblidhte te gjitha pervojat e keqija te studenteve gjate marrjes se vizave per vendet qe nuk jane anetare te Keshillit Evropian (KE). Ne kete drejtim USS kerkon ndihme nga USUSHT ne perkrahje te ketij projekti. Gjithashtu, u arrit marreveshje qe te aplikohet se bashku nje projekt te mobilitetit te studenteve, ku parashihet edhe shkembim i pervojave te studenteve.

Gjate diteve te qendrimit te USUSHT-se ne Lubjane te Sllovenise, delegacioni ka marre pjese ne prezantimin e struktures se Unionit te Studenteve te Sllovenise (USS), ku per punen e organizates kane folur Jerner Shtromajer, sekretar i Unionit Kombetar te Sllovenise dhe Klemen Miklavic, perfaqesues i USS. Nje prezantim po ashtu ka mbajtur edhe Unioni i Studenteve te Universitetit te Lubjanes, pastaj prezantime kane mbajtur edhe zyrat ne kuader te unionit te studenteve qe ne vete mund te quheshin ministri te unionit.

Delegacioni i USUSHT-se ka realizuar nje vizite edhe ne Rektoratin e Universitetit te Lubjanes, ku jane takuar me perfaqesuesit e ketij Rektorati. Nje takim tjeter eshte realizuar edhe me Qeverine Studentore, ku ata kane prezantuar Unionin e Studenteve te Universitetit te Lubjanes (SOU), nje vizite Fakultetit Juridik te Universitetit te Lubjanes, si dhe nje tjeter ne Sherbimin Studentor (Studentski Servis), qe permban Agjencine per punesim studentor.

                                                                                    Zyra per Informim i USHT