INFORMATË

Nje delegacion i Fakultetit Ekonomik te Universitetit Shteteror te Tetoves i prire nga dekani prof.dr. Petrit Pollozhani, prof.dr. Hamit Aliu dhe prof.dr. Seadin Xhaferi qendruan per nje muaj ne Universitetin Staffordshire te Anglise. Ky delegacioni i USHT-se ka percjell nje kurs te avancuar dhe ka bere pune seminarike. Po ashtu ka marre pjese aktive ne takime pune me koordinatorin e projektit te Tempusit, Iraj Hashin, ne lidhje me planprogramet e reja te Fakultetit Ekonomik te USHT-se.

Ne konsultim me z. Iraj Hash jane perpiluar tre planprograme te reja pune per Fakultetin Ekonomik dhe dy programe te magjistratures. Programi eshte punuar ne nivel te eksperteve angleze dhe atyre te USHT-se. Delegacioni i USHT-se ka kerkuar nga koordinatori i Tempusit z. Hash te sigurohen libra per drejtimet e reja, per te cilen gje ai premtoi se do t’i mbuloje programi Tempus. Ndersa, mbetet qe keto libra t’i perkthejne sherbimet profesionale te USHT-se dhe t’i vendosin ne qarkullim.

Delegacioni i Fakultetit Ekonomik ka arritur te siguroje mbajtjen e nje Shkolle Verore ne vend, te financuar nga programi Tempus, qe do te zgjase tre - kater dite ku do te mund te marrin pjese profesoret e Fakultetit Ekonomik te USHT-se dhe atij anglez. Dekani i Fakultetit Ekonomik prof.dr. Petrit Pollozhani doli me nje propozim qe ne Shkollen Verore te dorezohen punime dhe te debatohet per temen “Strategjia e zhvillimit ekonomik te Maqedonise drejt inkuadrimit ne BE me metoden e hulumtimit ne USHT”, e cila u mireprit nga ana e koordinatorit te Tempusit, Iraj Hash.

Ajo qe do t’i gezoje me se shumti studentet e USHT-se eshte marreveshja e arritur qe tre studenteve me te dalluar te Fakultetit Ekonomik t’u mundesohet te magjistrojne diku ne universitetet evropiane. Kushti per te fituar keto bursa studimore postdiplomike eshte njohja e gjuhes angleze dhe nota e mire mesatare. Po ashtu edhe per nje student nga Fakulteti Juridik programi Tempus do t’i mundesoje magjistrature ne nje nga Universitet ne Gjermani, ku kushti eshte njohja e gjuhes gjermane, angleze dhe nota e mire mesatare. Per keto bursa nga sherbimet perkatese do te njoftohen studentet, opinioni qe format e konkurrimit te jene publike dhe transparente.

Delegacioni i Fakultetit Ekonomik tashme eshte kthyer ne Tetove dhe do te filloje te implementoje projektin per te cilen eshte biseduar ne Universitetin Staffordshire, te Anglise.

                                                                        Zyra per informim e USHT