Hamdi Shahini nga USHT-ja, fiton bursë nga Bundestagu i Gjermanisë   

Në mesin e 120 bursistëve nga 30 shtete të botës edhe Hamdi Shahini nga qyteti i Gostivarit më 15 tetor ka fituar bursë nga parlamenti i Gjermanisë. Përpara  komisionit  gjashtë anëtarësh Hamdi Shahini është zgjedhur në grupin e kandidatëve që fitojnë bursë nga Bundestagu gjerman.

Përndryshe, Hamdi Shahini ka përfundar studimet  në Fakultetin Juridik në USHT ndërsa aktualisht është  absolvent në Fakultetin Filologjik Gjuhë dhe Letërsi Gjermane në Universitetin Shtetëror të Tetovës. Në bazë të programit, pesë muaji me radhë bursistët do të punojnë në zyrat e deputetëve në Bundestag dhe për angazhimin e tyre do marrin nga 450 euro, po ashtu edhe shpenzimet të tjera të rrugës dhe banimit i mbulon programi i lartpërmendur. Ndjehem tepër i kënaqur dhe falënderojë ambasadën dhe parlamentin e Gjermanisë që më ofruan këtë mundësi për të zgjeruar edhe më shumë horizontin e diturisë, nëpërmjet ushtrimeve profesionale që do t’i zhvillojmë në Gjermani do të përfitojmë gjithashtu edhe përvoja të reja për sistemin perëndimor të punës institucionale shprehet Hamdi Shahini duke uruar që ky bashkëpunim ndërinstitucional të vazhdojë edhe në të ardhmen.
Nga shtetet aplikante për përfitimin e bursës radhiten: Shqipëria, Armenia, Bosnja dhe Hercegovina, Bullgaria, Maqedonia, Serbia, Sllovenia, SHBA-të etj.  

Zyra për Informim
Universiteti Shtetëror i Tetovës.
Kontakt:
e-mail: press@unite.edu.mk