Shtëpia botuese gjermane CORNELSEN e promovoi veprimtarinë e saj në USHT

Martina Bartucz nga Berlini, përfaqësuese e shtëpisë botuese gjermane  Cornelsen, ditën e hënë, në USHT, në organizim të lektores Ursula Reitner nga Austria dhe me mbështetje të dekanit të Fakultetit Filologjik, doc. dr Izer Maksuti, në hapësirat e Programit studimor të Gjuhës dhe Letërsisë Gjermane prezantoi librat për mësimdhënien dhe mësimnxënien e gjuhës gjermane si gjuhë të huaj. Martina Bartucz, para stafit të Programit studimor të Gjuhës dhe Letërsisë Gjermane të USHT-së prezantoi tekstet më moderne me CD-të dhe DVD, të shtëpisë botuese Cornelsen, të nevojshme për mësimdhënien e gjuhës gjermane, sipas metodave më bashkëkohore.

Ajo sqaroi mënyrën e përdorimit të këtyre metodave gjatë mësimdhënies duke u ndalur në shembuj konkret. Zonja Bartucz prezantoi edhe efikasitetin e ushtrimeve dhe teksteve që i përmbajnë këto metoda, duke i potencuar përparësitë e aplikimit të mediave në mësimdhënien e gjuhës së huaj. Të pranishmit, asistentët e gjuhës gjermane, si dhe studentët e kësaj dege, parashtruan pyetje konkrete lidhur me materialin dhe në fund, zonja Bartucz u ndau atyre nga një kopje të librit me CD dhe materiale plotësuese. Aktivitetet e kësaj natyre zhvillohen në të gjitha fakultetet e USHT-së, në funksion të njohjes së planeve dhe programeve mësimore në mes institucioneve.

Zyra për informim-USHT
Kontakt: e-mail: press@unite.edu.mk
044/356 500, lokal 542