Studentët e mjekësisë morën pjesë në Kongresin ndërkombëtar shkencor të mjekësisë në Ohër

Studentët e Fakultetit të Shkencave të Mjekësisë të USHT-së morën pjesë në Kongresin e 33-të ndërkombëtarë shkencor të mjekësisë, i cili u organizua në qytetin e Ohrit. Në këtë kongres, i cili u organizua nga ana e Asociacionit të studentëve të mjekësisë nga Shkupi, morën pjesë edhe studentë të mjekësisë nga Shqipëria, Bullgaria dhe Serbia.

Delegacioni i studentëve të USHT-së përbëhej nga Ylber Idrizi, kryetar i grupit të studentëve të Programit studimor të Mjekësisë së përgjithshme, si dhe studentët, Fatlum Aziri, Besir Murtezani dhe Romir Kadriu.
Udhëheqësi i delegacionit të studentëve të USHT-së, Ylber Idrizi, në fjalën e tij drejtuar të pranishmëve theksoi: ,,Është kënaqësi e madhe që jemi këtu, në mesin e një numri kaq të madh të studentëve. Me këtë rast dëshiroj të shpreh gatishmërinë tonë si studentë, për bashkëpunim në mes universiteteve të rajonit.

Studentët e Fakultetit të Shkencave të Mjekësisë të USHT-së, gjatë punimeve të kongresit, morën pjesë në prezantime, ligjërata, si dhe në mënyrë aktive u angazhuan në punën praktike të punimit të prof. dr. Mirko Spirkovski, i cili në shenjë mirënjohje, studentëve të Fakultetit të Shkencave të Mjekësisë të USHT-së u ndau diploma.
Studentët e USHT-së, po ashtu morën pjesë edhe në disa trajnime teorike dhe praktike të organizuara nga Spitali Filipi II.

Në ditën e fundit të Kongresit të 33-të ndërkombëtar shkencor të mjekësisë, studentëve të FSHM-USHT iu ndanë mirënjohje për kontributin dhe punën e suksesshme që treguan gjatë mbajtjes së këtij kongresi.

Zyra për Informim - USHT