USHT dhe Universiteti i Rjekës nga Republika e Kroacisë, nënshkruan Marrëveshje bashkëpunimi

Rektori i Universiteti Shtetëror të Tetovës prof.dr.Agron Reka dhe  Rektori Universitetit të Rjekës prof .dr Pero Luçi së fundi nënshkruan marrëveshje për bashkëpunim shkencor dhe kulturor në mes dy Universiteteve.  Marrëveshja parashikon shkëmbimin e shkencëtarëve për ligjërata, konferenca dhe takime të përbashkëta shkencore, shkëmbimin e studentëve si dhe programeve shkencore-arsimore. Rektori i USHT-së prof. dr. Agron Reka  thekson se marrëveshjet e tilla janë me rëndësi të posaçme përderisa institucionet nënshkruese së bashku asistojnë në fushën e hartimit të projekteve të përbashkëta, projekte jo vetëm sa i përket ngritjes së cilësisë së mësimdhënies por njëkohësisht edhe të projekteve kërkimore shkencore kaq të nevojshme ku kontributet e profesorëve tanë janë vendimtare dhe përcaktuese për rritjen e niveleve  akademike.
            Nënshkrimi i kësaj marrëveshje zgjeron akoma më shumë bashkëpunimin e shkëlqyer institucional që USHT ka ndërtuar  me universitetet nga vendi, universitet shqiptare nga rajoni, po ashtu edhe universitetet ndërkombëtare.

Zyra për Informim - USHT
Kontakt: e-mail: press@unite.edu.mk
044/356 500, lokal 542