Në USHT më 1 shkurt fillon semestri veror

Në Universitetin Shtetëror të Tetovës janë bërë të gjitha përgatitjet e nevojshme për fillimin e suksesshëm të semestrit të dytë, semestrit veror, që do të fillojë më 01 shkurt 2012 (e mërkurë).  Semestri veror, më 01 shkurt 2012, përpos në fakultetet në Tetovë, do të fillojë edhe në Fakultetin e Administrimit të Biznesit, në Kumanovë dhe në Fakultetin e Teknologjisë Ushqimore dhe Ushqimit, në Gostivar, sikurse edhe në të gjitha Qendrat e studimeve të disperzuara të USHT-së, në Shkup, Kërçovë, Dibër dhe Strugë.
Aktualisht, në USHT janë duke u zhvilluar provimet e afatit të Janarit, ndërsa regjistrimi i semestrit veror do të bëhet prej 03 shkurt 2012 deri më 10 shkurt 2012.
Në USHT, po ashtu, në rrjedhë e sipër është edhe Konkursi për transferimin dhe regjistrimin e studentëve në fakultetet dhe njësitë akademike të USHT-së, për vitin akademik 2011/2012. Ky konkurs do të jetë  i hapur deri më 27 janar 2012

.

Zyra për informim